ИПАРД 3 програмата (2021-2027) која се очекува да стартува наскоро, овозможува пристап до фондовите на Европската Унија наменети за финансиска помош на земјоделството и руралниот развој.
Во последниот Јавен повик од ИПАРД 2 програмата, се покажа дека постои голем интерес за мерката 7 Диверзификација на фармите и развој на бизниси. Оваа мерка ќе биде застапена и во новата ИПАРД 3 програма (2021-2027) година, со што се отвораат можности за нови инвестиции во повеќе приоритетни сектори, а еден од нив е и алтернативното земјоделство, кое дава можност да се направат инвестиции во рибници за производство на слатководна риба.
Конкретно за оваа инвестиција, ќе наброиме неколку примери за прифатливи трошоци, а тоа можат да бидат:
- Опрема за одгледување на риби
- Опрема за одгледување на рибен подмладок
- Пумпи за вода,
- Базени,
- Резервоари за вода
- Филтри
- Опрема за дистрибуција на вода
- Инсталација на соодветната опрема;
- Достигнување на стандарди за заштита на животната средина;
- Обезбедување на хигиенски и санитарни услови;
- Обезбедување на административен простор;
- Помошни простории (за складирање, итн);
- Капацитети за внатрешно и надворешно сместување и за рекреативни цели;
- Обезбедување на пристап, уредување и оградување и т.н.
Кој може да аплицира:
– Физички лица:
- Лице регистрирано во Единствениот регистар на Семејни земјоделски стопанства
- Регистриран индивидуален земјоделец
- Физичко лице регистрирано како: занаетчија, угостител, трговец поединец,
– Правни лица (микро и мали претпријатија):
- Правни лица регистрирани во Централен регистар, кои не вработуваат над 50 вработени и немаат годишен обрт над 10 милиони евра.
-Задруги
- Задруги регистрирани во Централен регистер согласно законот за задруги.
Новина во оваа програма ќе биде предфинансирањето, односно променет е и начинот на исплата на одобрените средства за одобрените проекти. Се предвидува авансна исплата на средства и тоа од 30 – 50 % од сумата со самото склучување на договорот за проектот.
Тоа, низ пример, значи дека ако се конкурира со проект вреден 100.000 евра за мерка каде повратот на инвестицијата е 60 %, апликантот, преку авансното финансирање, со склучување на ИПАРД договорот ќе добие до 50 % од средствата или 30.000 евра.
За повеќе информации и изготвување на апликации можете да ни пишете на [email protected] или да нè контактирате на телефонските броеви: 070/267 789, 071/285 385, 071/225 345
