Со децении наназад Чиле е водечки светски извозник на трпезно грозје, но најновите прогнози се дека во сезоната 2022/23, Перу ќе го надмине во производството по втор пат во последните 3 години, а за прв пат во извозот, пренесува freshfruitportal.com.
Според проекциите во декемврискиот извештај на Одделот за земјоделство на САД (USDA), поради тековните поволни услови за одгледување и проширувањето на површините со лозја, се очекува производството на Перу да порасне за 53.000 тони до 766.000 тони. Фокусот оваа година првенствено бил ставен на сортите како Allison, Sweet Globe, Crimson и Sweet Celebration.
Производството на Чиле би било намалено за 737.000 метрички тони, паѓајќи по осми пат во последните 10 години, за разлика од производството во Перу кое не е намалено во последните десетина години и е проектирано на 766.000 тони во сезоната 2022/23.
И двете земји се зависни од извозот и се очекува да извезат најмалку 75% од своето производство во 2022/23 година.
