На глобално ниво, цените на портокалите и мандарините се за 15-20 отсто повисоки во 2022 година отколку во 2021 година. Производителите тврдат дека поминале години откако продажните трансакции се склучуваат по толку високи цени.
Тоа е резултат, пишува Tridge, на недостигот на цитруси во Шпанија и намалената понуда во медитеранските земји.
Исто така, годинава е намалено производството на портокали во Египет, а Мароко има значително помалку мандарини од сортата Надоркот. Грција е исклучок, со нормално производство на Клементина.
Според последниот извештај за зголемен мониторинг на увозот на цитруси во ЕУ објавен од шпанското Министерство за земјоделство, рибарство и храна (MAPA), во првите девет месеци од 2022 година во Европската Унија биле увезени 1.446.133 тони цитрус или 8,8 проценти (140.000 тони) помалку од истиот период лани и 6,2 отсто (-95.000 тони) помалку од петгодишниот просек.
Главниот снабдувач била Јужна Африка, со 598.334 тони во периодот од јануари до септември, соодветно. За 4,8 отсто помалку отколку во првите девет месеци од 2021 година. Следува Египет (237.797 тони, -29,3 отсто); Турција (160.774 т, +22,5 проценти); Аргентина (142.061 т, +10,6 проценти), Мароко (125.685 т, +1,3 проценти) и Израел (66.902 т, +1,2 проценти).
Кога станува збор за видовите цитруси, најмногу се увезувале портокалите, 560.803 тони (-23 отсто во однос на истиот период од 2021 година), 413.724 тони лимони (+20,1 отсто), 326.447 тони ситни агруми (-5,7 отсто), и 145.695 тони грејпфрут (-12,9 отсто).
Само во септември се увезени 253.086 тони, 13,9 отсто помалку во однос на истиот месец во 2021 година и 8,5 отсто помалку од петгодишниот просек.
