Крајот на неделата донесе пад на цените на житарките и маслодајните растенија. Намалувањето предизвикува страв од рецесија, што пак ја спречува побарувачката за овие стоки од Европа и САД. Пазарот во исто време е преплавен со пченица од Русија и Украина.
Цената на пченицата падна на 345 евра/т на француската берза MATIF во четвртокот. Овој тренд се очекува да продолжи, освен ако нема нови вести од Украина за договорот за житарки, бидејќи договорот истекува на 22 октомври и се уште не се знае дали ќе биде продолжен. Проблемите околу украинскиот извоз би можеле да предизвикаат повторно зголемување на цената на европската пченица. Сепак, на светскиот пазар стигнува и руската пченица.
Во петокот цената на пченицата на MATIF изнесуваше 348,25 евра/т за декемвриски договори, што е благ пораст.
Во четвртокот пченката се продаваше за 337,25 евра/тон, а во петокот е забележан благ пораст од 0,44 отсто и достигна 338,75 евра/тон.
Цената на маслодајната репка забележа надолен тренд во четвртокот и изнесуваше 616,75 евра/т, а во петокот договорите за ноември беа исплатени за 617,50 евра/т.
На чикашката CBoT, падот од четвртокот продолжи и во петокот. Цената за фјучерси за ноември падна на 329,73 евра/т, а трендот го следеа пченката, сојата и овесот. Цената на пченката падна на 271,50 евра/т за декемвриските договори. Договорите за ноември за соја достигнаа 509,42 евра/т, а овесот се продаваше за 397 евра/т.
