Објавениот повик за Мерка 3 од ИПАРД наменет за преработувачката индустрија, нè екипира луѓето од секторот во намерата да се помогне, да се искористат овие средства од државата за да се модернизира производството и да се зголеми профитот на агрокомпаниите.
Денеска на работниот состанок со Марјан и Кристофер Геневски од компанијата „ФРИГОТЕХНА“ – Скопје, разговаравме и договоривме соработка која главно ќе биде на информативна и едукативна основа – како новата и модерна технологија придонесува за зголемување на профитот на компаниите.
Целта ни е што повеќе земјоделски производители и агробизнисмени да аплицираат за мерката и да се искористи оваа помош од државата во решавањето на најголемиот проблем на земјоделците – пласманот на земјоделските производи.
Од секоја средба со луѓето од бизнисот, учам по нешто ново или ми се потврдува ставот дека со сериозност, коректен пристап кон клиентите и долгорочна стратегија, успехот е неминовен. Таква е компанијата „ФРИГОТЕХНА“.
Фејсбук-статус на Ленче Николовска, директорка на Агротим.
