-Од денеска официјално започнуваат да се спроведуваат договорите од „Отворен Балкан“, помеѓу нашата држава, Србија и Албанија. На граничните премини нема застој на камионите со роба, се проверува само документацијата. Лабораториските анализи се признати од сите три држави, па робата е пропратена со сертификати, но со право на мониторинг доколку некоја од трите држави процени дека има потреба од дополнителни анализи.
Граничните премини се известени дека при транзитот приоритет има робата од трите држави, со што се овозможи брз проток, што ќе влијае на квалитетот и цената на производите. Направивме и силна поврзаност помеѓу институциите, разменивме листи на фирми кои вршат увоз/извоз, и инспекторите однапред знаат, кој камион, од која фирма ќе пристигне на граничниот премин и освен проверката на фито сертификатот и сертификатот кој го издава АХВ, нема други задржувања. Ова е една од целите на „Отворен Балкан“, брза и зголемена трговска размена, за зголемена економија на сите три држави – изјави заменик министерот Трајан Димковски, кој годинава ја започна со изјава за ТВ Телма, на тема „Отворен Балкан“.
