Здружението „Млад сточар“ ја проширува соработката со здруженијата од регинот

Членовите од здружението „Млад сточар“, претставувани од претседателот на здружението Иван Петров и секретарите Даниел Пешов и Насер Џемаили вчера склучија договор за менторство со Српското здружение на млади земјоделци (SUMP), претставувано од претседателот Милан Бориќ и секретарот Александар Милановиќ до вклучувањето во CEJA за интелектуална соработка, совети, едукации, семинари.

На онлајн-состанокот е договорена и иницијатива за формирање балкански сојуз на младите земјоделци од „Млад сточар“ (Македонија), SUMP (Србија) и „Salers“ (Хрватска), а на иницијативата треба да се приклучат и младите земјоделци од Косово, Црна Гора, Босна и Херцеговина и Бугарија.