Залихите на замрзнато јагодесто овошје во ладилниците се намалуваат од месец во месец, а најновиот извештај покажува дека овој дефицит во однос на минатата година е забележлив кај сите овошни видови.
Според последниот извештај на американското Министерство за земјоделство, залихите на овошје во магацините, во октомври годинава се помали за 11 отсто во однос на септември. Освен кај јаболката, чии количества се поголеми за шест проценти и концентратот од вишни за шест проценти, значително намалување е забележано кај останатите овошја.
Залихите на малини, кои минатата сезона достигнаа рекордна цена, паднаа за цели 11 проценти.
Ако се спореди состојбата на пазарот со претходната година, резултатите се уште понеповолни. Националната земјоделска статистичка служба соопшти дека е забележливо дека во октомври минатата година во ладилниците имало значително повеќе овошје отколку сега. На пример, тогаш залихите на јаболка во американските магацини беа 29 проценти, капини за 28 проценти, боровинки за 11 проценти и цреши без семки за 23 проценти. Малините исто така беа за 24 отсто повисоки отколку во октомври 2021 година.
Извештаите од меѓународните пазари укажуваат дека трговијата со јагодесто овошје бележи огромен пораст во последните неколку години. Според експертите, има повеќе причини за тоа, а пред сѐ можноста за одгледување во различни области, што овозможува тоа овошје да биде достапно на најзначајните пазари во Европа и Америка во текот на целата година. Истовремено расте и свеста на потрошувачите за здравствената вредност од користењето свежо и преработено овошје, особено малини и боровинки.
Зголемувањето на потрошувачката на јагодесто овошје по глава на жител е најголемо во најразвиените земји од Европската Унија, во Америка, а во последно време и во Азија. Ова е особено видливо за време на пандемијата бидејќи е докажано, а сè поголем број научни резултати го потврдуваат благотворното дејство на консумирањето, особено на малините, боровинките и другите бобинки, врз воспалителните процеси во човечкото тело, намалување на температурата и другите негативни ефекти од болести.
