По повод 74 години постоење на Факултетот за земјоделски науки и храна-Скопје во состав на УКИМ во Скопје, се организираат „Денови на кариера“, поддржани од Програмата за зголемување на пазарната вработливост (ИМЕ), финансирана од Швајцарската агенција за развој и соработка, кои што содржат четири последователни настани, организирани во периодот од 13 декември 2021 до 16 декември 2021 година.
Главниот настан ќе се одржи на 15 декември 2021 (среда), од 10:00 до 14:00 часот, во просториите на Факултетот за земјоделски науки и храна-Скопје, под мотото „Запознај го својот иден вработен/работодавец!“, во два дела:
-ПЛЕНАРНА СЕДНИЦА
-САЕМ НА КАРИЕРА И ПАНЕЛ ДИСКУСИЈА
Директна средба „Студент-Работодавец“ ќе се реализира по пат на организиран Саем на кариера, во аулата на Факултетот за земјоделски науки и храна – Скопје, а истовремено, овој ден ќе ги поврзе и главните чинители од бизнис-секторот и институциите со Факултетот за земјоделски науки и храна – Скопје, со цел согледување на потребите на пазарот на трудот и можностите за прилагодување на студиските програми, практиканството и можностите за вработување.
Свое обраќање ќе имаат клучните актери за иницирање, поддршка и спроведување на политиките за современо образование и кариерен развој, како и развојот на земјоделско-прехранбениот сектор.
