Првите студени денови, во пресрет на зимата, ги карактеризираат празни тераси и саксии, кои ги украсуваа нашите дворови и тераси во текот на летните денови.
Сепак, иако можеби не сте знаеле, постојат растенија кои можете да ги одгледувате надвор и на температури под нулата. На овој начин вашата тераса ќе биде стилизирана дури и кога температурата ќе падне под нулата. Пред садењето, распрашајте се за видовите растенија, грижата за нив и за тоа како тие напредуваат во неповолни временски услови.
Ви предлагаме неколку видови неуништливи растенија кои му пркосат на студот, мразот, ветерот, дождот и снегот и кои ќе преживеат до пролет.
За украсните коприви светлината и сенката се подеднакво погодни. Листовите може да бидат црвени, жолти или шарени, а се вбројува меѓу многу поволните растенија во саксии.
Хризантемите добро ги толерираат почетните мразови. Ако замрзнат, на пролет ќе никнат нови пупки и ќе продолжат да цветаат. Доколку сакате да ги зачувате, покријте ги со лесна ткаенина.
Лаватерата расте до еден метар во височина и не е љубител на пресадување. Најдобро е да се засади на греда. Отворен и затворен простор ѝ одговара. Обилното цветање трае во текот на цела градинарска сезона.
Растението ден-ноќ иако изгледа нежно, листовите се отпорни на многу екстремни температури. Затоа, не е невообичаено да се видат шарени цвеќиња како никнуваат под снежна покривка. Тоа е идеално растение за оние кои сметаат дека не знаат многу за цвеќе.
Невенот е растение кое навистина не поднесува топлина. Во лето неговото цветање престанува бидејќи заболува од пепелница. Неговото присуство во градината ги штити другите растенија од вошките. Цветовите од невен се јадат.
