Сточарското производство и здравствената состојба на добитокот во голема мера зависат од климатските услови во производствениот капацитет. Во последно време сѐ повеќе внимание се посветува на климатските услови во зградата, особено од аспект на составот и вкупната количина на воздух во објектите, посебно од аспект на составот и вкупната количина на воздухот во објектот. Составот на воздухот во објектот треба да се споредува со составот на воздухот надвор од објектот. Ако се достигнат приближните вредности на одделни елементи, пред сѐ кислородот, може да се смета дека системот за вентилација во зградата е задоволителен. Во пракса тоа е многу тешко да се постигне, освен во шталите со отворен надолжен ѕид со заштитна мрежа за ветар.
Долгогодишните искуства во изградбата на штали за млечни крави доведуваат до заклучок дека не е важно кој систем за вентилација се избира, бидејќи ниту еден од нив не обезбедува оптимални климатски услови во шталата. Недоволното количество свеж воздух во шталата, динамиката на промени и целокупниот состав на воздухот во шталата, доведува до зголемување на микробиолошките и патогените организми во него, што има многу неповолен ефект врз целокупното здравје, а со самото тоа и на производната состојба на кравите.
Отворени штали
Многу често на кравите им заболуваат дишните патишта, особено кај млечните крави, така што современите штали од отворен тип подразбираат задоволување на низа барања.
- Што е можно помали трошоци за изградба
- Доволна количина на воздух во шталата и оптимална промена без појава на процес на првев
- Пропорционално со количината на воздухот што се доведува до шталата, треба да се реши и количината на воздух што ја напушта шталата (загадениот воздух).
Отворените штали спас за кравите и за џебот на сточарите
Вкупната инвестиција во изградба на штала за млечни крави зависи од степенот на механизираност во шталата, односно опремата што е инсталирана. Во случај на поедноставни решенија, инвестицијата се движи од 3.000-6.000 евра по лежиште. Во случај на изградба на објекти со ист капацитет, но со отворен ѕид, и со употреба на заштитни мрежи од ветер за вентилација и заштита на животните од провев, вкупните трошоци за изградба на објекти може да се намалат дури за 50 %.
Особено треба да се напомене дека сите дополнителни трошоци за енергија околу кој било друг систем за вентилација се целосно елиминирани. Употребата на заштитни мрежи против ветрови на шталите од отворен тип им обезбедува целосно природни услови во производствениот простор на големи површини, со целосни потреби во составот и количината на воздух.
Мрежа за заштита од ветрови
Мрежата за заштита од ветрови е изработена од специјални, многу отпорни, синтетички материјали, кои се испреплетени во повеќе слоеви, со мали перфорации. Овие мрежи можат да издржат налети на ветер до 150 км/ч и да го запрат речиси целосно пред да влезе во објектот (до 93%).
Со тоа се постигнува, дури и во екстремни услови, вентилација, односно размена на воздух без провев.
На веќе постоечките штали од затворен тип, лесно може да се подобри состојбата на климатските услови, со нивно менување во отворен тип со употреба на заштитни мрежи од ветер. Кога се гради штала од отворен тип, надолжниот ѕид се поставува на јужната експозиција.
При инсталирање, треба да се земе предвид дека заштитната мрежа се поместува во текот на денот или годината. Имајќи го предвид значителното намалување на трошоците за изградба на отворени штали со мрежа за заштита од ветер, како и општото подобрување на условите во нив, не е тешко да се заклучи дека таквата инвестиција ќе се врати многу брзо.
Извор: agroinfonet.com
