Морските краставици се најновиот хит на светскиот пазар. Нивните цени се зголемија, па килограм чини и до 3.000 долари. Земјите од Јапонија до Бразил почнаа да го собираат за да заработат што е можно повеќе пари, но работите не се толку едноставни.
Тие се прилично чудни животни. Немаат екстремитети, немаат очи. Имаат уста, а меѓу нив имаат анус и цел куп органи – вели Стивен Персел, еден од водечките светски експерти за морски краставици за Business Insider.
На морските краставици им се заканува исчезнување. Од 70 видови краставици што се ловат, седум се класифицирани како загрозени видови. Затоа нивниот лов е забранет во многу земји. Колку повеќе ги снемува во морињата, ловокрадците треба да нуркаат подлабоко за да ги фатат.
Колку се повеќе боцкави, толку е повисока нивната цена.
Најчесто се сушат и се пакуваат во украсни кутии, а потоа се даваат како подарок и се служат во специјални прилики. Од повеќе од 1.200 различни видови морски краставици, јапонските се најскапи.
Морските краставици се сметаат за деликатес поради нивната необична и цврста текстура, а побарувачката за нив е огромна, особено на азискиот пазар.
Од 1996 до 2011 година, бројот на земји што извезуваат морски краставици скокна од 35 на 83.
Зошто ги јадат?
Морските краставици содржат високо ниво на хемикалија наречена фукосилирен гликозаминогликан во нивната кожа, која луѓето низ Азија ја користат со векови за лекување на проблеми со зглобовите како артритис, и неодамна во Европа, каде што луѓето ги користат за лекување на одредени видови на рак и намалување на згрутчување на крвта.
Поради сапонините се сметаат за многу добар антибиотик, а се покажало дека имаат антивирусни својства кои потенцијално овозможуваат анти-СИДА терапија.
Извор: morski.hr
