Еден човек од Нов Зеланд случајно станал сопственик на 1.000 кокошки откако прочитал реклама на веб-страница на аукција.
Новозеландска интернет страница објави аукција на 1.000 кокошки на почетокот на ноември. Живината требаше да се продава до понеделник на 4 ноември, бидејќи фармата се затвора. Требаше да се најде дом за нив што е можно поскоро, така што сопствениците ги објавиле на аукција.
Стив Моро се чини не ги прочитал добро правилата на аукцијата. Дарежливо ставил огромна сума на понудата. Сепак, тој мислел дека победникот на аукцијата ќе може да земе онолку кокошки колку што му е потребо. На угостителот Моро му требале само неколку кокошки, да го зголеми бројот од десетте што веќе ги имал и тоа обезбедувало јајца за појадок на неговите гости.
Кога се јавил продавачот на кокошки, Метју Бломфилд, го прашал што планира да направи со 1.000 кокошки.
„Бев запрепастен, шокиран и без зборови“, рече Моро за „Инсајдер“.
Тој веднаш побарал помош на Фејсбук следниот ден. За неколку часа, добил илјадници одговори од луѓе од целата земја, кои понудија да помогнат во згрижување на живината.
И покрај хаосот, Моро рече дека е импресиониран од позитивниот одговор од целата заедница. „Целото искуство докажа дека луѓето во Нов Зеланд се едно големо семејство кога станува збор за да им се помогне на оние кои имаат потреба од тоа“, рече Моро.
