Единаесетгодишниот млад амбициозен овчар Амер Ибрахимовиќ од селото Побуџе во Босна и Херцеговина веќе поседува стадо од 100 овци и сонува да стане најголемиот фармер во регионот.
Кога имал само 9 години од својата касичка извадил 300 марки што му било доволно за 8 јагниња. Од нив почнал да го развива своето стадо, а сега има и цел.
„Имам свои соништа. Сакам да бидам одгледувач на овци и да имам околу 300 овци“, вели малиот Амер.
Момчео смоуверено вели дека да се биде овчар не е пробелм.
„Што се однесува до мене, оваа работа не е тешка. Иако има многу работа, зашто морам да носам храна и сѐ друго, сепак тоа е во ред.“
Бидејќи приказната за момчето стигнала до локалните весници и на ТВ каналите, неколку добротворни организации му донирале на Амер и на неговото семејство уште јагниња, возрасни овци и големи количини сточна храна, со цел да му помогнат на момчето да си ги исполни сониптата.
