Се зголемува интересот кај земјоделците и сточарите за осигурување на своите дејности, рече во емисијата Директно на Тера, Христо Кондовски-извршен директор на СН Осигурителен брокер АД Битола.
„Во поранешна Југославија имаше добра традиција на осигурување, потоа еден период имаше недоверба во таа приказна, сега се враќа довербата во осигурувањето. Наш репер за тоа дали се враќа или не, не се индивидуални коментари како што некој сака да ги прикаже, наш репер е дали тие осигуреници секоја година растат и дали истите се повторуваат. Сите показатели се позитивни. Земјоделците од година во година разбираат дека треба да ги осигураат своите посеви или сточарски фондови и од година во година расте таа бројка. Усвоено е од запад, ние сме најблиску до ЕУ дека осигурувањето на земјоделието треба да биде поддржано од една продолжена рака од државата, односно дека треба да има субвенционирање затоа што осигурувањето на земјоделието е интерактивно, нема година да нема штети, за разлика од другите класи на осигурување овде се соочуваме секоја година со штети. И доколку нема продолжена рака, односно субвенционирање од државата, во европските земји постигнува и до 80%, кај нас просекот е 62 односно 61% на субвенционирање од земјоделските осигурувања, ако нема продолжена рака нема да имате ефект, односно понудата и побарувачката нема да се усогласат. Ќе биде цената скапа на осигурување, земјоделците ќе речат дека она што ќе го земеме не ни е исплатливо заради тоа што ќе го вложиме и нема да се случува осигурување. Со субвенционирањето осигурувањето се зголемува“, вели Кондовски.
Извор – ТЕРА
