За сите љубители на сукуленти, балконот на Елса Беќирхоџиќ од Какањ во Босна и Херцеговина може да биде како остварување на сонот. Елса создала мала империја на сукуленти во нејзиниот дом со повеќе од 400 различни растенија.
Елса Беќирхоџиќ го затворила својот бутик на почетокот на септември 2017 година и по 20 години работно искуство одеднаш се нашла дома во улога на домаќинка. Отсекогаш сакала цвеќиња, но како вработена жена немала многу време да им посвети многу внимание. Кога останала дома, решила да им се посвети малку повеќе на цвеќињата.
„Бидејќи веќе беше септември и беше доцна за садење, решив рачно да изработам неколку тегли за подготвена да ја дочекам пролетта. Пребарувајќи на Интернет идеи за тегли, наидов на сукуленти. Повеќето од нив беа засадени во интересни рачно изработени тегли. Не знаев дека има толку многу видови. Бев воодушевена од нивните компактни розети, прекрасните бои и форми… И така започна опсесијата“, раскажува Елса.
Воодушевена од тие фасцинантни и отпорни растенија, тргнала во потрага по сукуленти.
Сукулентите ги набавила на саеми во Белград, Загреб, Нови Сад, била на два саема во Италија, ги донела од патување во Турција, од цела Европа сукуленти и носеле нејзините „цветни пријателки“, како што ги нарекува таа.
„Денес поседувам повеќе од 400 различни сукуленти“, открива гордата сопственичка и истакнува дека одгледувањето сукуленти во континентални услови не е воопшто лесно.
„Во зима тие треба да се приберат во куќата. Температурата мора да им биде многу ниска, во просек околу пет степени Целзиусови, а просторијата мора да има најдобра можна светлина, и тогаш не се полеваат. Во лето ја сакаат источната страна. Моите растенија имаат сонце од изгрејсонце до 13 часот. Еве, се дружиме веќе четврта година, а мојата љубов кон сукулентите не опаѓа. Напротив, колку повеќе ги проучувам, толку повеќе ми се допаѓаат“, вели Елса.
https://www.facebook.com/elsa.becirhodzic
Извор: zadovoljna.dnevnik.hr
