„Во овој период извезуваме трпезно грозје и јаболко и очекуваме дека ќе имаме добра сезона. Како трговска компанија извезуваме во неколку земји и сме застапени на пазарите во Ирак, Турција, Бугарија, Романија, Хрватска и Албанија“ – вели Агрон Реџепи од компанијата МАТРИКС ГРУП ДООЕЛ Ресен.
Според нивното долгогодишно искуство очекуваат цената на јаболко со добар квалитет или прва класа да има цена од 12-18 денари за килограм, во зависност од сортата додека за јаболко со послаб квалитет цената ќе се движи од 8-10 денари за килограм.
„Соработуваме ние со повеќе од 100 кооперанти со кои имаме добро искуство, но факт е дека за да има подобар пласман и цена мора да се модернизира производството и особено да се работи на промена на сортиментот и да се произведуваат сорти кои се барани на странските пазари. Ајдаретот дефинитвно не проаѓа повеќе и најголемиот проблем го имаме со него“- вели Реџепи.
