Договорното производство на сончоглед започна пред 2 години односно ова беше втора реколта која се откупи од страна на Фабриката „Благој Ѓорев“ од Велес , со ново име „Кристал 1923“.
Според изјавите на земјоделците, како Митат Исмаиловски, годинава поминаа добро со приносот но задоволни се и со откупната цена од 20 денари плус ДДВ за килограм сончоглед.
-Годинава имав насеано 140 хектари со сончоглед, во договор со Фабриката „Благој Ѓорев“ од Велес. Со нив соработувам неколку години и сум задоволен особено кога почна договорното производство преку кое добиваме семе и други репроматеријали регрес, а годинава уште во договорот имавме и загарантирана откупна цена. Имав принос од 2 100 килограми од хектар, а го дадов по цена од 20 денари за килограм плус ДДВ – вели Исмаиловски и додава дека и за следната година повторно планира да засее поголеми површини со сончоглед.
Според информациите за откупот на сончогледот во другите земји од регионот, „Кристал 1923“ има понудено највисока откупна цена.
Откупната цена на сончогледот во Србија – 18 денари
Откупна цена на сончогледот во Хрватска – 18, 8 денари
Откупна цена на сончогледот во С. Македонија – 20 денари
Секоја чест за Фабриката „Благој Ѓорев“ од Велес , со ново име „Кристал 1923“ за развој на Договорното производство на сончоглед и мотивација на земјоделците да сеат на поголеми површини.
Проектот „Договорно производство на сончоглед“ продолжува и следната година, а според изјавите на првиот човек на компанијата Горанчо Лазов, повторно ќе има загарантирана цена во договорот со што земјоделците ќе можат да си планираат на колкави површини да ја засеат оваа важна индустриска култура.
Купувајте домашни производи, произведени од домашна суровина!
