Кога зборуваме за букети, сите ние мислиме на различни букети и аранжмани од цвеќиња. Сепак, на задоволство на гурманите и оние кои уживаат во храната, постојаат и „букети за јадење“. Идејата за ваквите букети и техниката на изработка во Србија ги донесла русинката Ија Мекејева, која од пред неколку години живее во Нови Сад.
Ија, во овој град во Војводина дошла во посета на пријател, но останала да живее таму. Заедно со неа дошле и овие многу специфични букети. Во Русија работела како економист во банка, а своето слободно време го минувала правејќи „букети за јадење“, преку кои пронашла начин да ја изрази својата креативност.
“Кога се омажив и станав мајка, многу време им посветував на мојот сопруг и децата, а во слободното време продолжив да правам букети. Тоа беше идеја што требаше да биде хоби, и така започна сè, но сега стана „стил на живот“. Тоа не е само бизнис, туку и мисија за да го пренесам своето искуство од Русија на други кои сакаат да пробаат нешто поразлично и да научат да прават вистинска комбинација од мириси и вкусови од добрата домашна храна”, раскажува таа.
Таа прави букети од разни зеленчуци и овошја, но и од други прехранбени производи. Овошните букети содржат домашни овошја како јаболка, круши, но и егзотични видови како кокос и киви. Најчесто избира сезонска храна. Од оние со зеленчук, се издвојуваат букетите со црвени пиперки, а свое место во нив наоѓаат и лутите пиперки. Особено баран букет е „Војводина“. Тоа е специјален букет направен од сувомеснати производи и разни преработки од месо. Задолжително содржи кулен, колбаси, сланина, понекогаш има домашни кифли и џимиринки.
Овој букет главно е наменет како поклон за мажите.
Секогаш нешто ново и различно
Ија секој ден оди на пазар и купува свежо овошје, зеленчук, месо и производи од суво месо од домашни производители.
“Кога ќе се одам на пазар и ќе видам што се нуди, создавам идеја за нов букет. Инспирацијата ја наоѓам и во природата. Секогаш пробувам нешто ново и поразлично“, вели таа.
Побарувачката за овој нов тренд, што оваа млада жена го пренесе од Русија во Србија, е голема. Нејзините клиенти се претежно жени кои сакаат да ги изненадат членовите на семејството, пријателите, сопрузите и драгите луѓе. Жените најчесто се одлучуваат за букети со овошје, додека мажите иако поретко нарачуваат, тие се поспецифични во изборот.
Работилница за сите заинтересирани
Освен големата побарувачка, голем број жени покажале интерес и самите да ја научат оваа техника на изработка на „букети за јадење“. Ија, која и самата завршила неколку курсеви и обуки, одлучила своето знаење да го сподели со нив па започнала да држи онлајн часови во чии рамки работи и работлница наречена „букети за јадење“.
Работилниците траат две недели и преку видео средби таа се обидува да покаже до најситни детали, како се прават овие прекрасни букети.
Извор: Агроклуб
