Кинеските научници направија интересно истражвање за исхраната на прасињата, во кое било утврдено дека овие домашни животни повеќе ја сакаат храната со мирис и вкус на малина.
Преминувањето од течна на цврста храна е стресен периодот за животните во кој тие најчесто почнуваат помалку да јадат. Тоа може да влијае врз здравјето на нивните црева но и на целокупната состојба на нивниот организам. Затоа потребен е дополнителен поттик за да почнат да јадат цврста храна.
Свињите се извонредно чувствителни животни со многу повеќе рецептори на мирис од луѓето. Затоа различните вкусови избрани на соодветен начин, би можеле да бидат добар начин за да прасињата почнат да покажуваат поголем интерес за цврстата храна.
Храната со вкус на малини ги привлекува прасињата?
Прв пат во Кина се направени експерименти за хранење на прасињата кои се стари од 21 до 23 дена и имаат тежина од шест до седум килограми. Пред живтоните, четири дена по ред, постојано биле оставани неколку виодви храна, а животните можеле слободно да бираат која храна ќе ја јадат. Меѓу другото била оставена и храна произведена од страна на компанија “Pancosoma”, која има вкус на малина за разлика од другите кои имале вообичаена арома на млеко.
Резултатите покажале дека прасињата повеќе пати доаѓале да јадат од садот во кој се наоѓала храната со вкус на малина. Тоа може да се објасни со фактот дека овошните вкусови содржат молекули кои го поттикнуваат нивниот апетит. Мирисот на ова овошје полесно се шири во воздухот и повеќе ги привлекува.
Се зголемува и внесот на храна
Се претпоставувало дека, доколку прасињата бидат поттикнати да внесуваат некоја одредена храна, ќе се зголеми и количината на храна што тие ќе ја јадат. Затоа е направено друго испитување, слично на првото но во траење од седум дена, за да се потврди таа хипотеза.
Прасињата повторно повеќе ја преферирале истата храна како и во првото испитување – повеќе ја јаделе онаа со вкус на малина отколку онаа со млечен вкус.
Делува на тежината и на дневниот прираст
После овие две испитувања, направено е и трето, со цел да се потврди влијанието на внесот на поголема количина на храна, врз тежината на прасињата. Вкупно 96 прасиња биле поделени во две групи, а секоја група имала пристап до само еден вид на храна (со вкус на млеко или малини).
Научниците ја забележале почетната и конечната тежина на прасињата, го измериле внесот на храна и просечниот дневнен прираст на тежина.
Резултатите биле слични на претходниот експеримент. Просечниот внес на храна за животни бил поголем кај храната со арома на овошје. Овој значаен поголем внес е поврзан со поголем просечен прираст на телесната тежина и многу поголема конечна телесна тежина.
Овие резултати им даваат можност на одгледувачите да ја зголемат дневната потрошувачка на храна како и растот на прасињата, со тоа што ќе им даваат храна со друга арома. Со тоа значително ќе придонесат за јакнење на почетниот раст на тежината на младите прасиња, помагајќи им да ги надминат тешкотиите што ги имаат при премин од течна кон цврста храна.
Извор: Аgroklub.rs
