Дали свежо измолзеното млеко е исправно или веќе се расипало може да се утврди со едноставен тест т.е. со титрација со алкали на самото место по молзењето или со мерење на pH вредноста. Што тоа значи и зошто ова често им создава проблеми на земјоделците и млекарите во преработката?
Само по себе, свежото млеко има малку кисела реакција што не претставува проблем. Од моментот на молзењето, тоа станува одличен супстрат за развој на многу видови на габи, бактерии и микроорганизми. Со нивното дејствување и развој, микроорганизмите создаваат секундарна киселост, така што млекото станува лигаво, кисело, горчливо, има непријатен мирис и на крајот е неупотребливо. Ова може да биде огромен проблем за почетниците, меѓутоа, со добри хигиенско-санитарни процедури и третман на млекото по молзењето, можноста за ризик од расипување може да се намали на минимум.
Причина за развој на микроорганизмите
Причината за расипувањето на млекото се микроорганизмите, а преносител може да биде самиот сточар, односно неправиленото постапување пред, за време и по молзењето. Свежото млеко за микроорганизмите е вистинска „шведска маса“, гозба што не може да се одбие. Свежото млеко е идеална подлога за раст, развој и репродукција на микроорганизмите. Со своето дејство, микроорганизмите ги разградуваат протеините, шеќерот и мастите, а нуспроизводите предизвикани од разградувањето на млечната киселина ја зголемуваат pH реакцијата, а потоа млекото, почнува да се расипува и не е за употреба.
Откупувачите не го примаат, а со секој литар такво млеко, земјоделецот е во загуба. Со оглед на тоа дека се позати причинителите, потребно е само да се создадат услови што ќе го спречат нивното размножување, а тоа се постигнува со соодветно санитарно-хигиенско молзење и соодветна постапката после тоа.
Проблем што најчесто се јавува во лето
Млекото изложено на високите температури во летните месеци е идеална подлога за развој на микроорганизмите. Секоја минута по молзењето дава можност за загадување на млекото, па ако е несоодветно оставеното, млекото после молзењето сигурно ќе се расипе за многу кратко време. Потребни се само десет минути за микроорганизмите да ги искористат поволните услови и да започнат да се размножуваат. Просечниот број на микроорганизми во пресното млеко по молзењето е околу 3.000 / 1cm2. За еден час со оптимални услови за нивниот развој, овој број може да се дуплира. Летните денови со покачени температури бараат посебни процедури, брзо реагирање и зголемени мерки на претпазливост при ракување со оваа течност.
Брзото ладење е најдобро решение
Без разлика дали станува збор за машинско или рачно молзење, во ниту еден момент не треба да се прескокнуваат основните активности пред самото молзење, односно дезинфекција на опремата и приборот, работната облека, и рацете на тој што ќе го врши молзењето. Добрите санитарно – хигиенски услови го намалуваат ризикот од развој на штетни микроорганизми во млекото. Клучен и најризичен момент е оној веднаш по молзењето.
Ако станува збор за рачно молзење тоа мора да се прави во специјални садови и веднаш да се олади до +4 ° C . Секое одлагање претставува штета за земјоделецот. Најидеално е да се направи брзо ладење во лактофризери. Ако нема лактофризер, тогаш ладењето може да биде во соодветни контејнери од не’рѓосувачки челик во наменски фрижидери. На крајот, причините кои доведуваат до расипување на млекото многу лесно може да се минимизираат. Со спомнатите постапки се сузбиваат условите за раст и развој на микроорганизмите, а млекото останува со поволни хемиски и биолошки карактеристики и како такво ќе биде откупено и ќе влезе во млекарите за преработка.
Извор: Агроклуб
