Освен амбалажата, постојат уште неколку маркетиншки трикови кои можат да ве „излажат“ при купување на цитрусно овошје.
Ако начинот на кој храната ви е спакувана не е логичен, тогаш позади тоа веројатно се крие маркетиншки трик. Пример за тоа се мрежите во кои можеме да купуваме портокали. Мрежата секогаш е црвена и на тој начин ги привлекува купувачите, пишува“MSN”.
Портокаловата боја е поизразена во комбинација со црвено, додека жолтата, зелената и сината не се. Тоа значи дека кога ќе видите неколку портокали позади оваа црвена мрежичка, вашиот мозок веднаш ќе помисли дека се свежи, квалитетни и сочни, бидејќи нивната боја е поизразена и посилна.
Од истата причина и другите цитруси се спакувани во црвена мрежа. Лимоните, од друга страна, се спакувани во зелена мрежа за да се нагласи жолтата боја. Во комбинација со црвено, жолтото почнува да личи на портокалово, па затоа оваа комбинација на бои се избегнува.
Следниот пат кога ќе одите во купување, обрнете внимание на уште еден трик, производите на средина на полицата се исто така маркетиншки трик.
Производите кои се ставени на нивото на очите се поскапи од оние кои се под или над видното поле а оние на благајната се поевтини и секогаш се во атрактивна амбалажа, бидејќи се смета дека многумина ги купуваат импулсивно.
Извор: Директно
