Во тек е жетвата на оризот во Кочанско. Оризопроизводителите годинава се задоволни од приносот и квалитетот на родот но не и од откупната цена која е 20 денари за килограм арпа.
-Годинава имаме добра жетва, оризот е квалитетен, а имаме и задоволнителни приноси. Ова се должи меѓудругото и на навременото и домаќинско снабдување со вода во текот на вегетацијата како и редовните субвенции. Оризот го складираме и се надеваме дека откупот ќе почне со повисока цена од таа која сега се слуша, од 20 денари за килограм арпа – изјави за Агротим, Зоран Борисов, претседател на земјоделското здружение „Бело Злато“.
Годинава под ориз во Кочанско има 3 200 ха, а досега е се ожнеани 30% од површините.
-Ќе ја следиме состојбата со откупот на оризот и ќе побараме навреме поддршка од ресорното министерство и министерот Арјанит Хоџа доколку имаме проблем со откупната цена. Бараме исто така откупот да се врши исклучиво на арпа поради поголемата исплатливост на земјоделците и сигурност на производството – додаде Борисов.
