Според утринските мерења на Управата за хидрометеоролошки работи, нивото на Охридското Езеро се наоѓа на кота 693,43 метри надморска височина (м.н..в), што е два сантиметрa над просекот за месец февруари (693,41 м.н.в.).
На крајот од ноември и почетокот на декември Охридското Езеро беше во незавидна хидролошка состојба. По долг период на суша кој траеше со месеци, пред крајот на минатата година нивото на Охридското Езеро се спушти на кота 693,07 м.н.в., или три сантиметри под утврдениот природен минимум (693,10 м.н.в.).
Врнежите од дожд, а потоа и од снег од почетокот на оваа година, значително ја подобрија хидролошката кондиција на Охридското Езеро и реките во неговиот слив. Снегот кој деновиве наврна на околните планини исто така позитивно ќе влијае на дотокот на вода во Езерото, кое бележи големи осцилации последната декада.
МИА
