За првпат после 5 години, се реализира Мерката 131 „Економско здружување на земјоделски стопанства за заедничко вршење на земјоделска дејност“, во рамки на Програмата за рурален развој за 2018 година.
Пред неколку месеци преку оваа мерка, единаесет земјоделски задруги добија договори за набавка на земјоделска механизација во вредност од над 9 милиони денари.
Земјоделската задруга Крани, Општина Ресен, која е една од најголемите во нашата држава и обработува површина од над 127 ха под јаболкови насади, со вкупно годишно производство од над 4 500 тони, денеска го превзеде новиот виљушкар тип CPSD 15, набавен токму преку оваа мерка. Вкупната вредност на набавката е 980.000,00 денари, од кои 90% се враќаат на сметката на земјоделската задруга, односно 747.457,00 денари.
Овој податок нека послужи како мотив за сите индивидуални земјоделци да ги препознаат придобивките од задругарството и да се здружуваат во задруги.
Секоја наша мерка е насочена кон создавање на поволни услови за развој, модернизација и зголемување на конкурентноста на секторот земјоделство, а такви се и мерките за поддршка на земјоделските задруги.
