„Еве овие се уништени, и овие, овие црните што ги гледате. Овие што допрва ќе се отворат се добри, но првата рака е уништена од студот, околу 40% се оштетени“, изјави за Аласат- Исмаил Нуредин, земјоделец од село Страчинци.
Исмаил Нуредин од село Страчинци, минатата година остана без целата реколта од лубеници, само неколку дена пред продажбата, поради невремето со град. Оваа година пак, пролетниот студ од април повторно му нанесе голема штета – овој пат на насадите со јагоди.
„Колку очекувавте да заработите од јагодите?
„Имам околу 2500 – 3000 метри квадратни, ќе заработев околу пет до шест илјади евра, но поради штетата, половина се уништени. Брат ми има повеќе, околу еден хектар, но што да правиме, тоа е“, рече Исмаил Нуредин, земјоделец од село Страчинци.
И покрај тоа што штетите од градот од минатата година беа пријавени во општина Гази Баба, Исмаили и н други земјоделци од Страцинци продолжуваат да чекаат компензација или помош најмалку за трошоците што ги направиле.
„Животот продолжува, и мора да работиме. Иако штетите сè уште не се исплатени, продолжуваме да имаме надеж дека ќе се исплатат, но продолжуваме да чекаме. Не знам колку тоа го разбираат, но без земјоделци нема живот, ако не работиме ние, тогаш треба да увезуваме од надвор, а тоа чини, додека нашиот квалитет е подобар бидејќи не користиме пестициди, туку тука се одгледуваат био производи“, додаде Исмаил Нуредин, земјоделец од село Страчинци.
Во врска со компензацијата на штетите од минатата година предизвикани од град, земјоделците од селото Страцинце ги пријавија штетите во општина Гази Баба, а ги посети и инспектор за да ги утврди штетите. Според Општина Гази Баба, целосната документација заедно со утврдените штети на терен е доставена до Владата, од каде што се очекува да биде донесена одлука./Алсат.мк
