Кон крајот на февруари, на истокот на Полска, земјоделец во полето изгубил дел од својата машина. Бидејќи не можел да го најде, на помош му дошол неговиот братучед кој имал детектор за метал, пишува Heritage Daily.
Детекторот се активиран, по што фармерот и роднината откриле закопано богатство во земјата. Делумно скршениот ќуп содржел стотици ‘рѓосани монети. Веднаш стапиле во контакт со одделот за конзервација, а со помош на археолозите, ќупот и монетите биле извадени од земја. Станува збор за 1.000 литвански шилинзи и круни од 17 век.
Експертите проценуваат дека парите биле завиткани во ткаенина, а потоа скриени во керамички сад пред околу 400 години. Биле закопани и никогаш досега не биле изнесени на светлината на денот. Кој и да ги сокрил, не успеал да ги ископа или барем некому да каже за нив.
По темелно испитување, ова богатство ќе биде пренесено во Археолошкиот оддел на музејот во градот Биала Подласка.
Нема информации дали земјоделецот добил некаков надомест за тоа што го нашол.
