Здружението на винари организира избор на најдобри млади вина. Како што информираа денеска од здружението, во кое членуваат стручни лица енолози, докажани во полето на енологијата, настанот е во рамки на одбележувањето на месецот на младо вино.
– Наши членови ќе реализираат дегустација и оценување на мострите вино, што треба да бидат доставени до 10 декември. По две шишиња од мостра може да се достават во четири градови во државата. Сакаме да нагласиме дека од година во година, бележиме зголемување на квалитетот на вината што учествуваат на овој натпревар. Тоа значи дека традиционалното производство збогатено со совети од енолози, дава врвни резултати во винопроизводство, рекоа од Здружението за МИА.
Производителите на најдобри вина ќе добијат дипломи на 17 декември, за време на манифестацијата ,,Тиквешки вински салон” во Кавадарци.
