Сончогледот нема економски значаен штетник, односно во технологијата на производство на оваа култура нема задолжителни технолошки мерки за сузбивање на штетниците.
Сузбивањето се спроведува според потреба и евентуално се спроведува заштита од земјени штетници со земјени инсектициди со инкорпорација пред сеидба или заедно со сеидбата и сузбивање на лисни вошки и гасеници. Но значителни штети можат да предизвикаат птиците кои во јата можат да ги опустошат посевите, а нападите на птиците обично се пред жетва.
Стениците се најзначајни штетници на сончогледот, во поедини години можат да оштетат околу 10% од зрната. Покрај полската стеница (lat. Lygus rugulipennis), на сончогледот се јавуваат и други видови.
Симптоми: најголеми штети прават во време на цветање на растенијата и созревање на семето. Последиците од нападот се гледаат во намалување на тежината на зрното, содржината на масло и ртење на семето, зависно од интензитетот на напад.
Сузбивање: врз основа на бројноста на полски стеници, уништувањето се спроведува во време на почетокот на цветање на сончогледот.
На сончогледот во текот на вегетацијата се јавуваат разни видови лисни вошки: Brachycaudus helichrysi, Aphis fabae и др.
Најсилни напади се најчесто на крајот на мај и почетокот на јуни кога ги напаѓаат сите делови на сончогледот.
Сузбивање: се спроведува кога на страничните делови се утврдува 20-30% од нападнатите растенија користејќи ацетамиприд, флувалинат или селективи афициди.
Извор: agroportal.hr
