Во рамки на проектот “Модернизација на советодавните услуги за земјоделците во Република Северна Македонија” поддржан од Европската Унија се спроведуваат бесплатни обуки наменети за сите лица кои професионално се бават со советодавна дејност или сакаат да започнат со советодавна дејност, како дел од новата реформа која ја спроведува Министерството за земјоделство, шумарство и водостопанство за воведување на нов Советодавен систем во земјоделството и руралниот развој.
Обуките имаат за цел да обезбедат нови вештини и знаења на советниците по европски модел, а крајна цел е да се дефинира улогата на советодавците во земјоделскиот систем, принципи на советодавниот процес и други теми од важност за системот.
