Голем број земјоделски производители во Европската Унија не ја поседуваат земјата што ја обработуваат. За потребите на нивното производство, тие го закупуваат на краток или на долг рок.
Според податоците на Еуростат, во 2020 година закупот на еден хектар обработливо земјиште и/или постојани пасишта бил најскап во Италија. Во просек изнесувал 837 евра по хектар.
Меѓу регионите на ЕУ за кои се достапни податоци, највисоките цени за закупување во 2020 година се забележани во италијанскиот регион Friuli-Venezia Giulia. Таму просекот достигна 1.714 евра по хектар, што е повеќе од двојно повеќе од националното ниво.
После Италија следи Холандија со просек на закуп од 819 евра по хектар, додека највисоката забележена цена е над 1.500 евра/ха. Овие цени, како што може да се види на графиконот, се однесуваат за 2019 година.
Од друга страна, земјоделското земјиште во 2020 година било најевтино за закуп во Словачка. Таму требало да се издвојат во просек по 57 евра по хектар.
Ако ги погледнеме регионите на ЕУ, најевтини се Централен Норланд и Горен Норланд во Шведска, каде што годишната закупнина била 34 евра по хектар.
Во сите региони на ЕУ за кои се достапни податоци, закупот на трајните пасишта бил поевтин од закупот на обработливо земјиште.
