Како што не информираа од ПЕ на МЗШВ од Крива Паланка до сега се одобрени повеќе барања за движење на земјоделските производители за време на полицискиот час поради извршување на неопходните работи во областа на полјоделството, овоштарството, градинарството, сточарството и пчеларството.
„Се случува дневно да има и по неколку десетици барања од страна на земјоделците. Подрачната единица им стои на располагање, за се што имаат потреба зашто производството на храна мора непречено да продолжи. Дополнително за нови потврди земјоделците можат да се информираат на 070 410 433 или на нашата е- маил адреса [email protected],“ вели раководителот Ивица Бојковски.
Од вкупниот број на досега одобрените барања, дел се однесуваат на агромерките, а секако има барања за сточарство и пчеларство.
Од ресорното Министерство потсетуваат дека овој систем функцинира од крајот на минатиот месец , од кога земјоделците од овој крај своите барања за добивање на дозвола за движење за време на полицискиот час по претходно воспоставениот принцип, преку ПЕ на МЗШВ.
Од Министерството и понатаму ги повикуваат земјоделците да ги почитуваат новите препораки на Владата, и дозволите за движење да ги користат исклучиво за работни обврски со цел, како што велат, заеднички да придонесеме во справувањето со коронавирусот кај нас.
