Директорот на Платежната агенција, Никица Бачовски, во текот на вчерашниот ден ја посети семејната фарма ИЗ Зеко – Фарм која се наоѓа во атарот на село Спанчево.
„Фамилија Накови се вредни фармери кои одгледуваат 110 крави. Со помош на мерките од програмата за финансиска поддршка во руралниот развој, оваа фарма е зголемена и модернизирана. Из Зеко – Фарм е корисник на мерката за набавка на приплоден добиток и мерката за поддршка на активен женски член во земјоделското домаќинство.
Јуниците се увезени од Чешка, со светско признаено педигре, што дополнително го збогатува генетскиот потенцијал на македонските простори.
Дополнително, ИЗ Зеко – Фарм е добитник и на грант за рурална жена. Со оваа поддршка набавена е опрема за припрема на храна и опрема за нега на добитокот. За оваа успешно реализирана инвестиција одобрен е грант во висина од 100 % од вкупно направените трошоци.
АФПЗРР ќе продолжи ефективно да работи за благосостојбата на вистинските земјоделци и остануваме секогаш спремни да ги поддржиме нивните инвестиции!“, рече Бачовски.
