Во Штип утре, од 9 до 14 часот, ќе се прска против комарци.
Со оваа прва фаза од предвидената дезинсекција ќе бидат опфатени застојните води во урбаните населби и локалитети, а целта, како што велат од Општината, уништување на ларвите.
Доколку временски услови бидат неповолни, со врнежи од дожд и ветер, дезинсекцијата ќе се одложи за следниот поволен ден.
Градоначалникот на Општина Штип, кој е и претседател на Советот на градоначалници на Источно планскиот регион, Иван Јорданов најави дека наредната година ќе се направат напори 11 општини од регионот да имаат заедничка регионална акција против комарците. Поединечната битка со овие инсекти, поради полињата со ориз, нагласи, не даде резултати.
