Општина Пробиштип ги информира граѓаните дека утре, согласно Програмата за општи мерки за заштита на населението од заразни болести за 2026 година и препораките на Министерството за здравство, ќе се спроведе прскање против возрасни комарци од земја на подрачјето на општина Пробиштип.
Општината соопшти дека овој третман ќе ја опфати јаловишната депонија покрај регионалнот пат Пробиштип-Штип и депонијата Скрдово, кај село Неокази, на регионалниот пат Пробиштип-Свети Николе, сите водостојни базени во кругот на рудникот Булмак, течението на реката Киселичка, водостојот на бензинската пумпа „Макпетрол“ на влезот на Пробиштип, Маричански дол од мост кон село Добрево до мост до чешма Леговец, Злетово по течението на реката и мостот на Киселичка река, месноста Глобица и водостојот на рибникот, како и други локации според техничката спецификација од програмата и договорот за извршување на задачите.
– Адултицидниот третман (прскањето) од земја против возрасни комарци на целата територија на општината ќе се изврши со почеток од 22 часот. Третирањето најпрвин ќе започне да се извршува од околните одредени локации, а централното градско подрачје ќе биде опфатено на крај, односно во подоцните часови. Се известуваат пчеларите навремено да преземат мерки за заштита на пчелните семејства – соопштуваат од општина Пробиштип.
МИА
