Поради пандемијата од корона вирусот стратегијата на Европската комисија „Од нива до маса“ делумно заживеа без оглед на привременото одложување, но брзата трансформација на кратките синџири за дистрибуција во чекор го следи зголемувањето на цената на одредени производи.
Во Париз едно еколошки произведено јајце се продава по цена од 1 евро, што е зголемување на цената за 100 % во однос на периодот пред кризата предизвикана од пандемијата на корона вирусот.
Според пишувањето на Еуроактив, кратките синџири за дистрибуција предвидени со моменталната стратегија на Европската комисија во Франција, ја заживеаа трговијата и покрај пореметувањето на пазарот кое настана поради вонредната состојба со корона вирусот.
Бидејќи побарувачката на јајца се зголеми и при тоа се појави недостаток при снабдувањето во продавниците, малите производители ги зголемија цените. Во Париз и околината еколошки произведените јајца се продаваат по цена од едно евро, наспроти 50 центи, колку што чинеа пред корона кризата.
„Откупувачите ова го искористија, но во голем град тешко е да се дојде до правилен пристап до производителите “, вели Паул, кој има продавница за органска храна во центарот на Париз.
Во Франција исто така се во пораст и платформите за директна продажба на земјоделските производи. Некои од најпопуларните се Kelbongoo, Ruche qui dit Oui и продажната платформа на организацијата AMAP. Голем успех доживеа и проектот Drive fermier, каде прометот е зголемен четири пати.
Побарувачката за производи кои пред кризата беа конзумирани во рестораните, како што е месото, сирењето, виното и жестоките пијалоци, е во опаѓање.
