Јапонија на сите им е позната како една од најневообичаените земји во светот и се чини малку недостижна за западниот начин на размислување. Таму, на пример, се произведуваат квадратни лубеници за да заштедат повеќе простор во фрижидерот, а за да може путерот полесно да се намачка на леб, тие го пакуваат во стик.
Ова е само дел од иновациите, но многу новитети сè уште продолжуваат да ја шокираат светската јавност. Сето ова дефинитивно ја прави оваа земја поразлична од другите.
Така на пример во наредниот период тие со своите автомобили ќе можат да влезат во пластениците и самите да си наберат свежи јагоди, пишува cnet.
Ваквите специјални пластеници се наоѓаат точно пред Токиската кула( во центарот на Токио), а посетителите ќе можат сами да соберат јагоди или да прошетаат низ стаклена градина со својот автомобил и да си го земат пакетот. Но, многумина се прашуваат колку здраво и свежо ќе биде ова овошје доколку низ стакленикот поминуваат возила кои испуштаат штетни гасови.
Од другата страна на стаклената градина, купувачите ги ќе чекаат уште неколку pop-up продавници. Овој термин се однесува на продавници кои одеднаш се појавуваат на некоја локација, а по некое време се преселуваат на друга локација. Така, покрај продавницата за јагоди, ќе можат да се најдат и низа ресторани кои нудат разни деликатеси од ова овошје.
Во оваа далечна источна земја, компаниите и поединците се обидуваат да најдат безбедни начини за да го искористат времето бидејќи SARS CoV-2 продолжува да се шири низ целиот свет, и при тоа тие сакаат да го намалат ризикот од инфекција. Така, земјоделската задруга Сага го смисли овој начин за берење на земјоделски производи во срцето на главниот град, почитувајќи ја социјалната дистанца и другите епидемиолошки мерки. Покрај заштитата од Ковид, системот е дизајниран така што клиентите не мора да бараат место за паркирање во градот.
Треба да се напомене дека влезниците за во ваквите стакленици се ограничени на 153 пара во текот на два дена. Јагодите ќе можат да се купат од 15-16 јануари. Иако кратко, тоа ќе биде интересно и слатко искуство.
Паралелно со оваа иновација, од Јапонија доаѓаат различните бели јагоди, кои мирисаат на вистинска црвена боја на која сме навикнале. Имено, јагодите содржат природна боја односно растителн пигмент антоцијанин. Но, кога ќе се намали сончевата светлина на растението, пигментот не се активира, пишува tokyocheapo. Овие јагоди се новина во Јапонија, поради што нивната цена е исклучително висока – 10 американски долари за едно парче овошје.
Извор: Агроклуб
