Во Бугарија одгледана нова сорта на екстремно лути пиперки – Првото место во светот сè уште е резервирано за сортата Carolina Ripper

Дарина и Христо Родинови, одгледувачи на расад за зеленчук и сопственици на фармата „Hot Farm“ во селото Страшимирово во Бугарија, успеаа да ја одгледаат најлутата сорта на пиперки во оваа земја, која во моментов е во фаза на патентирање во Унгарија.

“Вкрстивме две мексикански сорти – Red Habanero и Trinidad Moruga Scorpio, која беше најлутата пиперка во светот пред да се појави новата сорта наречена Carolina Ripper. Добивме пиперка што ја сееме веќе 4-та година по ред и секоја година добиваме ист квалитет. Оваа нова сорта на лути пиперки ја нарековме – бугарски дух “, објаснува Дарина.

Од хоби до сериозен бизнис

Ова семејство, со земјоделство се занимава повеќе од 25 години. Како што велат и самите, за земјоделството научиле сè самостојно од книги и со примена во пракса на наученото. Пред десет години започнаа со производство на лути пиперки. Денес, тие имаат над 300 сорти од кои прават џем и сосови, ги сушат, ги замрзнуваат или мелат, од нив прават грицки и ги продаваат.

“Јас и мојот сопруг произведуваме расад за зеленчук. На почетокот, сето ова беше наше хоби, а потоа се заљубивме во одгледувањето зеленчук и научивме безброј корисни совети. Ја проучувавме секоја примена, употреба и комбинација на лути пиперки поединечно и верувајте ни, нема граници“. истакнува Дарина.

„Бугарски морков“ е името на најлутата пиперка одгледана до сега во Бугарија, а оваа нова сорта треба да биде 8 пати полута. Треба да се појави на пазарот на есен 2021 година, бидејќи патентирањето трае две години.

“Со помош на анкета дознавме дека 25% од луѓето ширум земјата ги сакаат овие лути пиперки , а 5% се буквално зависни од нив. Верувам дека нивното редовно консумирање е причина зошто има многу помалку случаи на рак во земјите од каде што потекнуваат”, вели Дарина.

Carolina Ripper- најлутата сорта на пиперки во светот

Одгледувачите на лути пиперки секоја година се обидуваат да направат нова мешавина од хибриди, почва и температура за да одгледаат сорта што ќе биде меѓу најлутите, ако не и на прво место. Конкуренцијата е силна, а pepperhead објави список на најлутите сорти на пиперки во 2020 година.

Инаку, пикантноста на пиперките се одредува според Сковил скалата(SHU), која се движи од 0 до 16 милиони.

Оваа година, според Гинисовата книга на рекорди, сортата Carolina Ripper успеа да го задржи првото место, што го освои во 2019 година со измерени 2,2 милиони SHU. Оваа сорта е добиена со вкрстување на сортите Bhut Jolokie и Habanero Red, а творец е Ед Кари.

Пиперките од Carolina Ripper, растат од 100 до 120 см во висина. Тоа е жбунесто растение со големи и сјајни темно зелени лисја. Се користи за правење зачинети и сосови ширум светот. Освен во оваа форма, може да се користи како прав или како толчена лута пиперка при готвење на разни јадења. Конзумирање во свежа состојба се препорачува само за луѓе кои имаат висока толеранција за болка и лутина.

Список на 10 најлути пиперки за 2020