Најниска температура утрово е измерена во Берово – 6 степени, во Прилеп -5, во Скопје-Петровец, Битола и Струмица – 4, во Скопје-Зајчев Рид, Тетово, Маврови Анови, Попова Шапка – 3 степени, Претор, Штип и Демир Капија – 2, во Крива Паланка, Виница, Крушево, Дебар, Велес, Кавадарци – 1, во Охрид и Куманово 0, во Гевгелија 1 и во дојран 4 степени.
Најмногу снег 38 сантиметри има во Маврови Анови, 23 сантиметри во Крушево, 12 на Попова Шапка, 10 во Тополчани, осум во Пожаране и два сантиметри во Ѓуриште.
Во текот на ноќта времето беше ведро и претежно тивко, а утрово е сончево со мала до умерена локална облачност. По одделни котлини има појава на магла и намалена хоризонтална видливост од 50 до 200 метри.
Времето денеска ќе биде променливо облачно, претпладне со појава на магла по одделни котлини. Ќе дува слаб до умерен, а наместа долж Повардарието повремено засилен ветер од северозападен правец. Максималната температура ќе биде во интервал од 6 до 12 степени.
Во Скопје претпладне ќе има појава на магла, преку денот умерено облачно со умерен ветер од северен правец. Максималната температура ќе достигне 9 степени.
МИА
