Најновите податоци за меѓународната трговија со мед покажуваат дека во 2021 година земјите членки на Европската Унија увезле 173.400 тони природен мед од земји надвор од ЕУ, во вредност од 405,9 милиони евра. Наспрема тоа, минатата година надвор од границите на ЕУ се извезени само 25.500 тони, во вредност од 146,6 милиони евра.
Во споредба со 2016 година, увозот на оваа намирница надвор од ЕУ е зголемен за 7 отсто, додека извозот во другите земји е намален за 10 отсто, покажуваат податоците на Еуростат.
Германија, најголемиот увозник
Минатата година во Германија биле увезени 51.900 тони мед од земји кои не се членки на ЕУ, што претставува 30 отсто од вкупниот увоз на мед надвор од ЕУ. Ова ја прави најголемиот увозник, пред Полска (32.200 тони, или 19%). Следат Белгија (25.600 тони, 15%), Шпанија (14.500 тони, 8%) и Португалија (7.100 тони, 4%).
Увозот на мед од земји надвор од ЕУ во наведениот период главно доаѓа од Украина – 53.800 тони, или 31% од вкупната количина, а потоа следи Кина (48.000 тони, 28%). На трето место со значително помало количество се Мексико (15.500 тони, 9%), Аргентина (14.400 тони, 8%) и Бразил (7.900 тони, 5%).
