Детално ви ги претставуваме поблиските критериуми за директни плаќања во сточарското производство, поточно критериумите за директни плаќања за одгледување на стопанско корисно автохтоно овчарско куче шарпланинец и очарско куче караман, Согласно Уредбата за директни плаќања за 2021 година на корисници, објавена во Сл. Весник на РСМ бр.12/2021. Прочитајте за тоа кој може да биде корисник на средствaта, максималните износи и начинот на директните плаќања за оваа година.
- Директни плаќања за одгледување на стопанско корисно автохтоно овчарско куче шарпланинец и очарско куче караман:
-Корисници на оваа подмерка се земјоделски стопанства кои одгледуваат овци и кози, кои поседуваат најмалку 50 грла овци и/или кози евидентирани во Регистарот на овци и кози, и се сопственици на педигрирани кучиња од расата шарпланинец и караман на кои е извршена идентификација со микрочип на денот на поднесување на барањето,
-Максимален број е седум пријавени кучиња по земјоделско стопанство,
-Висината на директните плаќања изнесува 3.000 денари по куче и се исплаќа за куче од расата шарпланинец и караман кое е на возраст над шест месеци на 30.09.2021 година.
Пријавувањето за субвенции за 2021 година се очекува да започне во почеток на месец април.
