Вино во лименка – заблуда или извонредно практична амбалажа која во иднина ќе се користи се повеќе?
За винското списание SevenFiftyDaily нема дилема: Иднинината лежи во вино во конзерви, кон овој начин на пакување се вртат дури и врвните винарии.
Со години на виното во лименка се гледаше како на евтина алтернатива за флаширање, но од неодамна овој став почна да се менува – исто како што од неодамна се смени и ставот спрема затворачите со навртување, кои денес малку кој гледа како на знак дека во шишето е некое ефтино вино.
– „ Долго имав негативен став кон виното во лименка, бидејќи тоа не е начин на кој сакав да консумирам врвни вина “, – вели Роб Мекмилан, основач на винскиот оддел во Silicon Valley Bank и автор на годишниот извештај за винската индустрија, кој оваа банка со години редовно го прави за потребите на луѓето кои на виното гледаат како на инвестиција.
– „ Игнорирањето на воој сегмент воедно претставува игнорирање на еден од начините младите луѓе да навлезат во светот на виното. Исто така малата зафатнина на лименката во однос на стандардното шише овозможува дегустација на подобри вина по пониски цени“, вели Мекмилан.
Неговите наводи ги потврдуваат и високите бројки. Агенцијата Нилсен пресметала дека продажбата на вино во лименка само во текот на 2019 година пораснала за дури 79,2% во однос на 2018 .
Имајќи го сево ова во предвид, не е за чудење фактот што во САД големите и моќни винарии почнаа да го следат патот кој го трасира винаријата„ Francis Ford Coppola“. Овие гиганти на калифорниското винарство воедно се и пионери во продажба на вино во лиемнка и со тоа почнаа уште пред 15 години. Сега им се придружуваат и моќните брендови како што се E. J. Gallo и Constellation, кои произведуваат десетина познати етикети, од најевтини вина до оние ексклузивните од долините на Напа и Сонома.
Една од винариите која одлучи да продава врвни вина во лименка е винаријата Larkin Wines од Напа. Тие велат дека главна причина за ваквата одлуката да создадат линија на вино во конзерви е неможноста на плажа да се носат стаклени шишиња, бидејќи тоа го диктираат калифорниските правила.
Шон Ларкин, основач на оваа винарија која инсистира на органски стандарди, пушти во продажба пакети од 12 избрани бели, розе и црвени вина кои чинат 144 американски долари.
Јужноафриканската винарија Lubanzi Wines е една од првите во оваа земја чии основачи го сватија потенцијалот на вино во лименка. Тие почнаа да продаваат пакети од четири лименки бело вино „Шенон бланк“ по цена од 30 американски долари.
Во оваа винска куќа наведуваат дека за производство на вино во лименка се одлучиле затоа што сватиле дека стакленото пакување едноставно не е добар избор за оние кои сакаат да пијат вино во природа, на кампувања и излети со ранци на грб.
Извор: Аgronews
