Во текот на оваа недела во Србија се очекува целосна стабилизација во снабдувањето на пазрот со медицински алкохол.
Производителите истакнуваат дека работат во три смени, немало прекин ниту во производството ниту во доставата и целосно можат да ги задоволат потребите на домашниот пазар, се вели во соопштението од Стопанската комора на Србија (СКС) со најава дека поради зголемената побарувачка на етанол како средство за дезинфекција, домашните дестилерии се понудиле да преработат одредени количини на вино и ракија во медицински алкохол.
“Стопанската комора е во постојан контакт со производителите на етанол и се обидуваме да им помогнеме околу набавката на сировна и енергенси, односно мазут.“ изјави Драган Стевановиќ, секретар на здружението за хемиска индустрија и неметали на Србија.
Тој истакна дека состојбата на пазарот предизвикана од зголемената потрошувачка на средства за дезинфекција и медицински алкохол полека се смирува и наскоро се очекува целосна стабилизација.
Стопанската комора на Србија истакнува дека Републичката дирекција за имот на компаниите NAVIP превзеде околу 350 000 литри бело вино за дестилирање, а винаријата Вино Жупа од Александровец ќе го преработи во алкохол со јачина од 75 % кој ќе биди испорачан во болниците.
Членовите на Групацијата на произведувачи на јаки алкохолни пијалоци направија анкета со сите свои членки за можните количини на алкохол кои би ги донирале за преработка во алкохол со јачина од 75% за потребите на болниците и здравствените установи.
„Дестилериите се спремни да донираат околу 11 300 литри овошни дестилати со просечна јачина од 60 %. За донација се понудиле и помалите дестилерии кои сакаат да донираат ракија која им е веќе спремна за продажба, со цел да помогнат во овие тешки времиња“- се наведува во соопштението на СКС.
Извор:Н1Срб
