Многу често земјоделците знаат да кажат дека земјоделство не се води од канцеларија. Треба да се излезе на терен и да се види реалната состојба, да се слушнат нивните сугестии и така да се работи, заедно со нив се носат мерки и закони во земјоделството.
Министерот за земјоделство, шумарство и водостопанство, Арјанит Хоџа и самиот агробизнисмен, добро го знае ова, па секое слободно време кога не е на седница на Влада или има состаноци во просториите на министерството, го користи за средби со земјоделските производители.
Разговорите се секогаш на актуелни теми во земјоделството, потоа решавање на административни пречки, проблеми околу пласманот на земјоделските производи или како сега, дилеми околу новиот закон за продажба на земјоделската држвна земја.
Од видеото и разговорот со земјоделците од село Виничани, земјоделците можат да слушнат одговори околу начинот на плаќање, колку хектари може да се купат, по која цена, кој има предност и други важни информации.
Агротим продолжува со промоција на Законот за продажба на земјоделската земја во државна сопственост и во следните денови.
