На денешното одбележување на стартот на новата земјоделска инвестиција „Голд Ленд“ во прилепско, директорот на Платежната агенција Николче Бабовски информираше и за новиот повик за ИПАРД кој се очекува да биде за еден месец.
-Почитувани земјоделци, токму од тука од Пелагонија сакам да ве информирам дека од денеска тече и најавата за нов повик за ИПАРД, мерка 1 инвестиција во материјални средства во земјоделските стопанства. Сите кои сакате да го унапредите и модернизирате производството, повелете подготвувајте ги документите бидејќи за еден месец ќе биде јавниот повик.
-Дека сме на прав пат покажуваат и последните податоци. Преку ИПАРД 2 програмата, до денеска да се склучени 1.441 договори со вкупна вредност од 32,2 милиони евра- истакна директорот Бабовски.
Агенцијата за финансиска поддршка во земјоделството и руралниот развој денеска ја објави најавата за објавување на Јавниот повик број 01/2020 за доставување на барања за користење на средства по мерка 1 “ Инвестиции во основни средства на земјоделски стопанства” од ИПАРД 2 програмата.
Јавниот повик за доставување на барања за оваа мерка ќе се објави во втората половина на месец јануари 2020 година. Финансиските средства по мерката „Инвестиции во основни средства на земјоделски стопанства” се за инвестиции во следните подсектори:
✔️Растително производствo
✔️Сточарско производство
✔️Преработка и директен маркетинг на сопственото земјоделско производство на земјоделско стопанство
✔️Производство на енергија од обновливи извори за сопствена потрошувачка
Повеќе информации на следниот линк:
http://www.ipardpa.gov.mk/Root/mak/default_mak.asp
