Откако просторот околу овошките ќе се окопа и во земјата ќе се стави арско ѓубриво, овошките подготвени ја чекаат пролетта. Во текот на зимата домаќинствата добиваат поголемо количество пепел како нус-производ на греењето. Таа пепел има корисни својства и може да се употреби во производство на овошје и зеленчук. Сепак, со пепелта треба да се внимава и да не се применува исто кај сите билки. Прво на што треба да се обрати внимание е пепелот да настанал со согорување на дрвја, а не некоја друга неорганска материја, гума или пластика.
Пепелта во својот состав содржи разни минерални материи кои и се потребни на билката за развој и плодоносење. Една од тие материи е калиумот. Повеќето билки имаат потреба од калиум бидејќи тој е битен за цветање и развој на плодовите.
Со додавање пепел во земјата создаваме алкално опкружување, кое на одредени билки им го отежнува развојот, а на некои билки им помага.
Познато е дека плевелите подобро растат во кисели земјишта. Почвата се закиселува со додавање разни минерални ѓубрива, па пепелта може да послужи за неутрализирање на негативното влијание по додавањето вештачки ѓубрива.
Додавањето пепел корисно е при одгледување јаболка, праски, круши, малини, капини, цитруси, сливи, црешни, рибизли.
Сепак, како и во сѐ друго, треба да се биде умерен и да не се претерува со додавање пепел на исто место.
За да бидеме сигурни, најдобро е да се направи анализа на почвата и да се утврди киселоста на земјиштето. Повеќето билки растат во почва која е на премин од алкална во кисела.
Предностите од додаваање пепел се регулација на ПХ вредноста на почвата, која најчесто треба да се движи во вредности од 6 до 7,5. Освен тоа, пепелта ги уништува штетниците како што се полжавите, гасениците, скакулците.
Пепелта е исклучително добра кај мулчирање, бидејќи со примената на мулчот влагата останува во почвата што е исклучително важно кај сушните периоди. Сепак не е добро да се користи овој мулч за билки како боровници, кои успеваат во кисела почва.
Пепелта е корисна и во компостот. Често во компостот завршуваат многу овошки и зеленчуци, па таквиот компост е поприлично кисел. Со додавањето пепел во компостот ќе ја намалиме киселоста.
Пепелта нема да ја користиме при одгледување боровинки, компири или магдонос. Задолжително ќе ја користиме кај зеленчук и особено кај доматите.
Најдобар начин за примена на пепелта кај доматите е залевање со вода во која неколку дена се растопувал пепел.
На 10 литри вода се додава 1 килограм пепел и се остава да стои 3-5 дена.
Пепелта се додава во почвата во доцна есен или рана пролет. Треба да се води сметка да се додава во мали количини за врнежите да помогнат при растворање на материите во почвата. Земјиштето прекириено со пепел напролет се прекопува за пепелта што повеќе да се промеша со земјата.
