Со уредот „Electronic Drawbar“ на земјоделците за прв пат им беше понуден систем за управување, според кој трактор без возач на поле автоматски го следи тракторот пред себе.
Двете машини комуницираат со радиоврска преку ГПС системот, а насочувањето е многу прецизно. Возачот на првиот (водечки) трактор ги надгледува двете машини со монитор и има целосен пристап на контролата на управувачките команди на тракторот кој го следи. Со истовремено следење на двете машини, продуктивноста на управувањето се зголемува. Конечно се остварува сонот за повеќе работа со помалку труд. Дури и најнапредните визии за ефикасна работа на терен покажуваат дека, на пример, седумкратното намалување на времето потребно за берба е надвор од секоја свест за технолошките можности. Ефективната употреба на автономни машини може да создаде финансиски предности, особено во земјите со големи земјоделски површини.
Со овој систем на насочување можеше да се постигне најмалку двојно поголема брзина на работа на терен. Основата на овој концепт е „невидливото“ удвојување на тракторите. За време на работата на поле, водечкиот трактор и тракторот кој го следи на предодредено растојание се поврзани со овој специјален контролен систем „Electronic drawbar “ што ги надополнува постојните управувачки контроли на тракторот.
Водечкиот трактор добива податоци од GPS сателитите за поминатата километража и ги пренесува овие податоци преку радио врска до следниот трактор, кој ги користи овие навигациски податоци за следење. Контролниот систем е надополнет со систем за повратни информации за водечкиот трактор за да обезбеди безбедносно растојание. На овој начин, возачот на машината која е напред добива предупредувачки сигнал со моментално прекинување на радио врската или кога тракторот кој го следи ќе наиде на неочекувана пречка.
Извор: agroportal.hr
