(ВИДЕО) Хоџа со апел до земјоделците: Министерството е отворено и таму е местото каде треба да се одвива дијалог и да ги решаваат проблемите

Едно од прашањата во денешното интервју за „Жешко политичко лето“ е дали министерот Хоџа ќе им помогне на земјодеделците: „Земјоделци од повеќе градови, се собраа во Прилеп на протест. Земјоделците се жалат дека не им биле исплатени субвенциите, дел од ковид пакетите. Дали ќе им помогнете или сметате дека овие протести се политички иницирани“? Хоџа: „Истите луѓе, повеќето ги знам и лично, бидејќи кога беше проблемот со тутунот, јас со нив контактирав, и ден денес контактирам, тие можат да го потврдат ова. Буквално, во време кога нема допирни точки со нив, тие излегуваат да протестираат. Нема да дозволам политички цели да навлегуваат во делот на земјоделството. Секогаш кога се во право, за билошто или што има врска со земјоделството, јас сум спремен да седнеме да разговараме и да најдеме решение. И тоа го правев, со истите тие, со неколумина од тие што протестираа, а беа не повеќе од стотина луѓе. Мене ми е жал што некоја политичка партија сака да ги злоупотреби. Јас би апелирал да не го дозволат тоа, што и да имаат проблем во земјоделството, министерството е отворено и таму е местото каде треба да се одвива дијалог и да ги решаваат проблемите“ .