Овчарското куче кангал чува стадо овци на фарма во селото Кајадиби, од турската провинција Сивас, а сопственикот на стадото се изненадил кога видел каква друга улога преземало кучето – почнало да дои едно јагне, кое престанало да цица од мајката, која ја заменило со женката кангал, која не го одбила малото јагне.
„Кангалот не се жали. Овие кучиња веќе имаат инстинкт да ги заштитат другите и таа му помага на јагнето. Таа има висок капацитет за доење и нејзиното млеко е доволно и за јагнето и за нејзиното кутре“, вели Забит Бекташ, косопственик на фармата и одгледувач на овчарски кучиња.
„Јагнето можеби го направило ова затоа што мајка му не му дала доволно млеко. Нашиот кангал го посвои јагнето затоа што има суптилен инстинкт да ги заштити овците. Јагнето го дојат и мајката и кучето“, вели Бекташ.
Селскиот старешина Ведат Челеби исто така рекол дека мештаните биле изненадени од сцените од фармата, кои ги поврзуваат со силниот мајчински инстинкт кај животните.
Кангалите се користат и за психолошка терапија кај децата, особено кај оние со аутизам и кај лицата што се опоравуваат од зависност од дрога. Нивното потекло датира од пред повеќе од 6.000 години. Тие се способни да ја издржат суровата клима во Турција во зима и номадскиот начин на живот на овчарите.
