Говедата на прв поглед изгледаат како прилично пасивни животни. Но, како и другите живи суштества, и тие се љубопитни, а таа љубопитност може може да ги доведе во непријатни ситуации.
Така, пред една и пол недела во германската покраина Северна Рајна Вестфалија, кравата Маги стара година и пол, побегнала од фарма. Нејзината вредност се проценува од 5 до 10 илјади евра, а по неа трага полицијата и земјоделците, со хеликоптери и беспилотни летала, пренесува agrarheute.
Кравата Меги минатиот понеделник била на парење со бик за размножување. Кога сопственикот сакал да ја изнесе од шталата, таа ја искористила приликата и побегнала. Прво се упатила кон автопатот, а подоцна била забележана на терен за голф. Сточарот пријавил во полиција, а најверојатно и платил за потрагата. Бидејќи таа не била успешна, тој самиот продолжил со помош на дрон кој има телевизиска камера.
Два дена подоцна ја открил во шума во близина на фармата, но Меги не дозволувала никој да и пријде на повеќе од 70 метри. Дури бил најмен ловец кој би можел да користи пиштол за зашеметување, но мора да и се приближи на најмалку 30 до 35 метри за да го испука истрелот. Сопственикот планира да ја намами со сено, иако прашање е дали ќе успее, бидејќи Меги се храни со пченката што ловците ја оставаат за дивите свињи.
Друг интересен случај се случил во Бразил каде што во градчето Нова Гранада вол тежок околу 220 килограми побегнал од фарма и отишол во блискиот забавен парк. Таму успеал да се качи на тобоганот, а кога почнал да се лизга надолу, работниците ја исклучиле водата за да не се повреди. Според Diario da Regiao, тие со јаже го одвлекле до базенот, и со јажето го извлекле од водата. Сопственикот после тоа му го дал името Тобога (тобоган)
Погледнете го разиграниот вол:
